महालक्ष्मी नगरपालिका ललितपुर जिल्लाको उत्तर पूर्वमा अवस्थित स्थानीय तह हो । यस नगरपालिकामा १० वटा वडाहरू रहेका छन् । बालकुमारी, ग्वार्को, इमाडोल, सिद्धिपुर, सानागाउँ, टिकाथली, लुभु, लामाटार आदि स्थानहरू यस नगरपालिकामा पर्दछ । २०७८ को जनगणना अनुसार यस नगरपालिकाको कुल ३२ हजार १०६ घरधुरी र १ लाख २३ हजार ११६ जनसंख्या रहेको छ ।
यस नगरपालिकामा हुलाक सेवा प्रवाह गर्नको लागि वडा नं ३, बोझेपोखरीमा हुलाक कार्यालय महालक्ष्मी नगरपालिका, बोझेपोखरी, ललितपुर रहेको छ । यस अन्तर्गत सिद्धिपुर, टिकाथली र लामाटार अतिरिक्त हुलाक कार्यालयहरू पनि रहेका छन् ।
यस कार्यालयबाट हरेक दिन जिल्ला हुलाक कार्यालय ललितपुरको लागि डाँक आदान प्रदान हुन्छ । यस कार्यालयले साधारण पत्र, बुक पोष्ट, पोष्टकार्ड, रजिष्टरी पुलिन्दा (आन्तरिक मात्र), रजिष्ट्री पत्र, द्रुत डाँक (आन्तरिक मात्र), हुलाक टिकट, सरकारी कुरियर सेवा, आदि सेवाहरू प्रदान गर्दछ ।
सम्पर्क नम्बर : ९८५१४३०८०८
पोष्टल कोड : ३०८०१०३
गुगल लोकेसन : यहाँ क्लिक गर्नुहोस्